ब्रेकिंग

विदेश

भारतासोबत व्यापार कराराची ट्रम्प यांना आशा

Wrutuja pandharpure
18 May 2025

न्यूयॉर्क : भारत १०० टक्के आयात शुल्क कमी करणार असल्याचा विश्वास अमेरिकेचे अध्यक्ष डोनाल्ड ट्रम्प यांनी शनिवारी पुन्हा व्यक्त केला. लवकरच अमेरिका आणि भारत यांच्यात व्यापार करार होईल, अशी अपेक्षाही त्यांनी व्यक्त केली.

फॉक्स न्यूजला ट्रम्प यांनी मुलाखत दिली. ते म्हणाले. मी नियोजित व्यापार करार व्हावा, यासाठी कोणतीही घाई करत नाही. अमेरिकेच्या वस्तूवर भारत कोणतेही आयात शुल्क लागू करणार नाही, या विषयावर ट्रम्प पुन्हा आपले मत मांडले आहे. त्यावर परराष्ट्र मंत्री डॉ. जयशंकर यांनी प्रतिक्रिया दिली की, दोन्ही देशांच्या फायद्याचा ठरेल असा व्यापार करार होईल. ट्रम्प यांनी आयात शुल्कावर भाष्य करताना पुन्हा सांगितले की, भारत फारच अधिक शुल्क आकारतो आहे. त्यामुळे व्यापार करणे अमेरिकेला अवघड जात आहे.

त्यामुळे व्यापार करणे अमेरिकेला अवघड जात आहे. भारताने १०० टक्के शुल्क कमी केले तर व्यापार करणे सोपे जाईल. करार लवकरच होणार आहे का ? या प्रश्नावर ते म्हणाले,. हो लवकरच होईल. पण, मला तशी घाई नाही. पण अमेरिकेसोबत करार व्हावा, असे सर्वच देशांना वाटते. दक्षिण कोरियाने तशी इच्छा व्यक्त केली आहे. मण त्याबाबत मी निर्णय घेतलेला नाही. सुमारे दीडशे देश व्यापार करारासाठी इच्छूक आहेत. त्यामुळे सर्वांना भेटणे अवघड जाते, असेही ते म्हणाले. मात्र, भारत आणि अमेरिकेत करार होणारच आहे, असा विश्वास त्यांनी व्यक्त केला. दरम्यान, जयशंकर यांनी देखील अमेरिकेसोबत व्यापार कराराबाबत चर्चा सुरू आहे, असे सांगितले आहे. सध्या वाणिज्य मंत्री पियूष गोयल वॉशिंग्टन येथे असून ते अमेरिकेच्या प्रतिनिधींशी चर्चा करत असल्याचे वृत्त आहे.